Dani Alves: Sezoni te Juventusi ishte më i keqi në karrierën time

14:15 | 6 Nëntor 2020
A. B.

Ish-mbrojtësi i Juventusit, Dani Alves ka thënë se sezoni që kaloi në Torino ishte ‘sezoni më i keq’ në karrierën e tij.

Mbrojtësi brazilian u bashkua me Zonjën e Vjetër nga Barcelona si lojtar i lirë në verën e vitit 2016.

Gjigandët e Serie A ishin afër për të fituar tripletën, pasi ata triumfuan në Serie A dhe Coppa Italia, por humbën finalen e Ligës së Kampionëve nga Real Madridi.

Pavarësisht kësaj, Alves ka thënë se sezoni që kaloi në Torino ishte sezoni më i keq në karrierën e tij.

“Të gjithë lojtarët që largohen nga Barcelona pendohen, njëqind për qind. Por, ose ju e pranoni atë ose bëheni të hidhur gjatë gjithë jetës tuaj”, ka thënë fillimisht Alves për RAC1.

“Viti që kalova në Juventus ishte më i keqi në karrierën time. Doja që kjo të ishte si në Barcelonë, por nuk ishte kështu”, përfundoi braziliani.

Dani Alves u largua nga klubi pas vetëm një sezoni për t’u bashkuar me Paris Saint-Germain. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm